Home NEWS Hoggaamiyaha guud ee Daacish Abuubakar Al-Baqdaadi oo fariin u soo diray Kooxdiisa...

Hoggaamiyaha guud ee Daacish Abuubakar Al-Baqdaadi oo fariin u soo diray Kooxdiisa Soomaaliya.

95
0
SHARE

Ururka Daacish ayaa baahiyay cod maqal ah oo ay sheegeen in uu yahay Hoggaamiyaha Kooxdaas Abuubakar Al-Baqdaadi kaas oo wax badan khudbaddiisa uga hadlay dagaalka ay kula jiraan Mareykanka.

Al-Baqdaadi ayaa sheegay in Ururkiisa Daacish uu sii xoogeysanayo islamarkaana Mareykanka ku jebinayaan fagaarayaasha Caalamka ee ay hadda isku hayaan.

Waxaa uu ku faanay in goobaha dagaallada sida Soomaaliya, Afghanistan, Pakistan, Ciraaq, Syria, Yemen, Galbeedka iyo Bartamaha Afrika, Bariga Aasiya iyo Waqooyiga Afrika lagu jebiyay Mareykanka.

Dhamaan Waddamadaas ayuu xusay in Mareykanka lagu jebiyay islamarkaana lagu quusiyay sida uu hadalka u dhigay Hoggaamiyaha Ururka Daacish.

Bishii August ee la soo dhaafay Kongareeska Mareykanka ayaa warbixin uu soo saaray ku sheegay in Kooxda Daacish ay ku xoogeysaneyo Bariga dhexe gaar ahaanna dalalka Ciraaq iyo Syria oo lagu jebiyay sanadkii 2017kii.

Mareykanka waxaa uu sheegay in Daacish ay awoodaan in ay weerarro xoog leh ka geystaan Dalalka Ciraaq iyo Syria islamarkaana dib isu abaabuleen.

Warbixinta Pentagonka Mareykanka ayaa ku qiyaastay Ciidanka Daacish ee Ciraaq iyo Syria 14,000 ilaa 18,000 oo Askari oo ay ku jiraan 3,000 oo Ajaanib ah.

LEAVE A REPLY